Femindol (Феминдол) — аёллар гормонал балансини ва репродуктив тизим саломатлигини қўллаб-қувватлаш учун мўлжалланган комплекс ўсимлик препаратидир. У эстрогенлар метаболизмини нормаллаштиради, пролактин даражасини камайтиради ва тўқималарнинг патологик ўсишини секинлаштиради. Эндометриоз, бачадон миомаси, мастопатия, цикл бузилишлари ва ҲОС (ПМС) да қўлланилади.
Embedded Files
Таркиби (1 капсула учун)
Индол-3-карбинол ..........................300 мг
(Brassica oleracea var. L.):
Эпигаллокатехин галлат / EGCG ..100 мг
(яшил чой экстракти):
Муқаддас витекс меваси кукуни : ..200 мг
(Vitex agnus-castus)
Витамин Е:.........................................50 мг
Селен: ...............................................50 мкг
Таркибий қисмларнинг таъсир механизми
Индол-3-карбинол (I3C): Жигарда эстрогенлар метаболизмини модуляция қилади, мувозанатни физиологик фаол бўлган 2-гидроксиэстрон (2-ОНЕ1) ҳосил бўлиши томонига суради ва ҳужайраларнинг назоратсиз пролиферациясини (кўпайишини) келтириб чиқарадиган агрессив метаболит — 16а-гидроксиэстрон (16а-ОНЕ1) даражасини камайтиради. Ўсмалар ўсишининг эстрогенга боғлиқ йўлларини блоклайди ва одам папиллома вирусининг (ОПВ) E6 ҳамда E7 онкопротеинлари экспрессиясини сусайтиради.
Эпигаллокатехин галлат (EGCG): Яққол намоён бўлувчи антипролифератив, антиангиоген ва антиоксидант таъсирга эга. Гиперплазия ва эндометриоз ўчоқларида патологик қон томирлар ўсишини (ангиогенезни) сусайтиради, патологик ҳужайраларда митоген сигналлар узатилишини блоклайди ҳамда уларнинг танлаб апоптозга учрашини (ҳужайраларнинг дастурлаштирилган ҳалокатини) рағбатлантиради.
Муқаддас витекс меваси кукуни: Витекснинг дофаминергик таъсири гипофиз томонидан пролактиннинг юқори даражада ажралиб чиқишини камайтиради. Пролактин даражасининг нормаллашиши гиперпролактинемияни бартараф этади, ҳайз циклининг лютеин фазаси тикланишига ёрдам беради, прогестерон ва эстрогенлар нисбатини нормаллаштиради, шунингдек, циклик масталгия ҳамда ҳайз олди синдроми (ҲОС / ПМС) белгиларини камайтиради.
Витамин Е: Мембранопротектор ва антиоксидант ҳисобланади. Рецепторларнинг прогестеронга бўлган сезувчанлигини оширади, сариқ тана фаолиятини қўллаб-қувватлайди ва селен ҳамда EGCG нинг антиоксидантлик хусусиятларини кучайтиради.
Селен: Глутатионпероксидаза ферменти таркибига кирувчи микроэлементдир. Эндокрин безларнинг антиоксидант ҳимоясини таъминлайди, иммунитет жавобини қўллаб-қувватлайди ва атипик ҳужайраларнинг апоптозга учрашига ёрдам беради.
Қўллашга кўрсатмалар ва қабул қилиш тартиби
Эндометриоз
Қабул қилиш тартиби: 1 капсуладан кунига 2 маҳал.
Даволаш давомийлиги: 3 ойдан бошлаб.
Изоҳлар ва комбинациялар: Ностероид яллиғланишга қарши воситалар ва Д витамини билан комплекс терапияда қўлланилади.
Батдон миомаси
Қабул қилиш тартиби: 1 капсуладан кунига 2 маҳал.
Даволаш давомийлиги: 3 ойдан 6 ойгача.
Изоҳлар ва комбинациялар: Айниқса эстрогенга боғлиқ шаклларида тавсия этилади.
Эндометрий гиперплазияси
Қабул қилиш тартиби: 1 капсуладан кунига 1 маҳал.
Даволаш давомийлиги: 2 ойдан 3 ойгача.
Изоҳлар ва комбинациялар: Прогестагенлар билан терапияга қўшимча сифатида қўлланилади.
Ҳайз олди синдроми (ҲОС / ПМС) ва Масталгия
Қабул қилиш тартиби: 1 капсуладан кунига 1 маҳал.
Даволаш давомийлиги: 2 ойдан 3 ойгача.
Изоҳлар ва комбинациялар: Таркибидаги витекс пролактин даражасини ва кўкрак безидаги циклик оғриқларни камайтиради.
Ҳайз цикли бузилишлари ва ановуляция
Қабул қилиш тартиби: 1 капсуладан кунига 1 маҳал.
Даволаш давомийлиги: 3 ой (зарурат бўлганда 1–2 ойдан кейин курс такрорланади).
Изоҳлар ва комбинациялар: Д витамини, омега-3 ва 5-MTHF (метилфолат) билан бирга қўллаш мумкин, айниқса фертиллик сустлашганда.
Одам папиллома вируси (ОПВ) билан боғлиқ касалликлар
Қабул қилиш тартиби: 1 капсуладан кунига 2 маҳал.
Даволаш давомийлиги: 3 ойдан 6 ойгача.
Изоҳлар ва комбинациялар: маҳаллий терапия билан биргаликда қўлланилганда натижа юқорироқ бўлади.
Гормонга боғлиқ семириш ва шишлар ҳамда кўп овқат ейиш билан кечадиган сурункали ҳайз олди синдроми
Қабул қилиш тартиби: 1 капсуладан кунига 2 маҳал, овқатланиш вақтида.
Даволаш давомийлиги: 8 ҳафтадан 12 ҳафтагача (йилига 2–3 маҳал қайтариш мумкин).
Изоҳлар ва комбинациялар: Метформин, инозитол, омега-3, Д витамини, 5-MTHF билан мутаносибдир.
Қўллаш усули
Ичга, етарли миқдордаги сув билан, афзалроқ овқатланиш вақтида қабул қилинади.
Қўллаш мумкин бўлмаган ҳолатлар
Препарат компонентларига индивидуал юқори сезувчанлик, ҳомиладорлик ва эмизиш даври, болалар ёши.
Чиқарилиш шакли
Капсулалар, ўрамда 30 та капсула.
Page updated
Google Sites
Report abuse